心粥館 (已搬遷) 新店位置

呢間係一間有好多連鎖店既餐廳仔，平時無論任何時間都排哂隊，坐滿人的。今晚，見到有位就拿拿淋去order想食既野，跟住埋位等待應送餐來。先講呢度待應既服務態度… 無論由order食物、送餐甚至乎廚房部，每個人全部都係十分之有禮貌。 環境方便……雖然多人擠迫， 但係地方都保持得好乾淨。 食物方便…… 叫咗一份羊腩煲， 跟生菜同一碗白飯。個汁夠入味，配料多，尤其馬蹄夠新鮮， 可惜既係羊腩就爭左少少，羊腩炆得唔夠淋，老人家可能食唔到。 一份無骨豬手、肉碎炒豆角(細碟)、菜飯。無骨豬手連汁炆好匹配 。又夠淋， 豬手皮爽口，好味到極冇得頂。肉碎炒豆角，細細碟、不過啲豆角就有衣，好難口。