影片
更多
2007-01-21
18 瀏覽
一月份壓軸生日會難得地齊人,由Rachel提議下黎尖沙咀CPK食餐勁。一張靠窗長檯自成一角,又可以望到維港靚景,八點正仲有幻彩詠香江,景觀方面絕對高分。拎住張menu狂點左三個pizza、pasta沙律頭盤甜品各2,每人再加refill飲品。沙律:chicken caesar生菜新鮮爽脆,加上脆卜卜大麵包粒同厚厚雞胸肉,味道好重芝士味;BBQ chicken chopped雞肉比較濃味, 加上大堆頭新鮮蔬菜,個人比較鐘意後者味道。頭盤:spinach artichoke dip一大碟雙色粟米片加一碗菠菜芝士汁,粟米片如薯片一樣脆,最出色係碗汁,本來以為係凍食,原來係熱辣辣!!好濃芝士味道,加上大量菠菜絲,味道的確唔錯,只不過d雅芝竹唔知係邊??餃子睇黎好好味,自己無試不能置評,不過見準媽咪話好好食,應該唔會太差。grilled sausage and pepper penne用蕃茄汁煮成,汁量剛好唔會太多汁,長通粉口感好好,唔會太硬或太淋,味道ok;後來另加店方推介chicken tequila fettuccine更加正!加少少青檸汁,味道酸酸地好特別,雖然個人一向鐘意長通粉,但今次
拎住張menu狂點左三個pizza、pasta沙律頭盤甜品各2,每人再加refill飲品。
沙律:chicken caesar生菜新鮮爽脆,加上脆卜卜大麵包粒同厚厚雞胸肉,味道好重芝士味;BBQ chicken chopped雞肉比較濃味, 加上大堆頭新鮮蔬菜,個人比較鐘意後者味道。
頭盤:spinach artichoke dip一大碟雙色粟米片加一碗菠菜芝士汁,粟米片如薯片一樣脆,最出色係碗汁,本來以為係凍食,原來係熱辣辣!!好濃芝士味道,加上大量菠菜絲,味道的確唔錯,只不過d雅芝竹唔知係邊??餃子睇黎好好味,自己無試不能置評,不過見準媽咪話好好食,應該唔會太差。
grilled sausage and pepper penne用蕃茄汁煮成,汁量剛好唔會太多汁,長通粉口感好好,唔會太硬或太淋,味道ok;後來另加店方推介chicken tequila fettuccine更加正!加少少青檸汁,味道酸酸地好特別,雖然個人一向鐘意長通粉,但今次投呢個菠菜麵一票!
三個pizza只知道其中一個叫milan,餅底好薄好脆,餡料食到有冬菇片、香腸,味道唔錯;另外一個唔知係什麼名堂,只知味道都好味;最後追加一個應係辣肉腸pizza,呢個味道較辣,雖然可以刺激食欲但對個人黎講真係幾辣,呢個相對比較失色。
由於要留肚食生日蛋糕,大家只揀左hot fudge brownie 同chocolate banana royale cake,兩款甜品造型都幾靚,絕對可以引起食欲!! 微暖brownie好濃朱古力味,質感軟綿,加上大大球冰凍vanilla雪糕同香滑忌廉,三樣一齊食至可以感到又暖又凍口感,好味!!後者再加雪糕,味道的確好蕉!!!而且唔係人工香蕉味,加上軟滑蛋糕,難怪Rachel推介。
無限量添飲凍檸茶茶味ok,雖然檸檬唔會refill但都無損味道,以$25價錢的確超值,侍應會不時自動為客人添飲,唔錯。
服務方面個人認為好好,除左添飲頻密之外,仲會為客人換碟,每樣要求都會好快做到,讚!
嘻嘻哈哈又一晚,自己今餐食得好滿意開心,希望兩位壽星女都滿意今次生日會安排啦,生日快樂!!
張貼
