影片
更多
2020-09-20
1257 瀏覽
香港人喜食燒味，燒鵝更加係燒味嘅首選，但要食到皮脆肉嫩帶有脂香嘅燒鵝，鬧市中有咁高水準嘅燒鵝店已經所剩無幾。聽聞「棋哥」，係一間經常排長龍嘅人氣燒鵝店。現今雖重有疫情威脅，仍然有人排隊等位，以為一定好掂。我哋入去時未夠兩点，落雨濕濕，席上有客，唔算太多，可能未到下午茶時段，店內掛滿燒味及招牌燒鵝員工頗清閒，但無主動招呼食客，要自己揾位坐，坐落又唔自動遞茶水，要叫咗多次才送上兩杯凍水。我哋先叫一碟例牌燒鵝下庒連脾解饞，然後等兩点半再叫下午茶餐嘅招牌燒腩仔飯，一心大快朵頤燒鵝好快上桌，雖有層肥油浮面，睇賣相還可以，似模似樣咁点知挾一舊入囗係凍嘅，皮厚唔脆不止重喺韌嘅食落鵝肉冇鵝味，唔juicy，無油香味，醃得亦冇味，肥騰騰，同想像完全係兩回事向店員投訴，佢借佐聾耳陳隻耳，超失望下午茶開始人多，好少單拖，都係慕名而嚟食招牌燒鵝。碟燒腩仔飯反而暖暖哋，但皮一樣唔脆，飯唔軟熟，不過起碼唔係又凍又肥咁難啃，總比燒鵝好啲最後，我哋無食晒就埋單走人，今次可謂帶著期望入去，失望離開臨離桌前，重聽到隔離檯個食客投訴，碗燒鵝瀨粉裏面有條大大嘅菜蟲，我哋無聽結果就去埋單。出門口見到又有人龍排隊，睇嚟祇係跟風居
現今雖重有疫情威脅，仍然有人排隊等位，以為一定好掂。我哋入去時未夠兩点，落雨濕濕，席上有客，唔算太多，可能未到下午茶時段，店內掛滿燒味及招牌燒鵝
員工頗清閒，但無主動招呼食客，要自己揾位坐，坐落又唔自動遞茶水，要叫咗多次才送上兩杯凍水。
我哋先叫一碟例牌燒鵝下庒連脾解饞，然後等兩点半再叫下午茶餐嘅招牌燒腩仔飯，一心大快朵頤
燒鵝好快上桌，雖有層肥油浮面，睇賣相還可以，似模似樣咁
点知挾一舊入囗係凍嘅，皮厚唔脆不止重喺韌嘅食落鵝肉冇鵝味，唔juicy，無油香味，醃得亦冇味，肥騰騰，同想像完全係兩回事
向店員投訴，佢借佐聾耳陳隻耳，超失望
下午茶開始人多，好少單拖，都係慕名而嚟食招牌燒鵝。
碟燒腩仔飯反而暖暖哋，但皮一樣唔脆，飯唔軟熟，不過起碼唔係又凍又肥咁難啃，總比燒鵝好啲
最後，我哋無食晒就埋單走人，今次可謂帶著期望入去，失望離開
臨離桌前，重聽到隔離檯個食客投訴，碗燒鵝瀨粉裏面有條大大嘅菜蟲，我哋無聽結果就去埋單。
出門口見到又有人龍排隊，睇嚟祇係跟風居多，人排我又排嘅啫，重係信自己真實體驗好過
整體黎講，呢處燒鵝真心講
係好差加上服務又唔好，
估唔到以燒鵝作為招徠食客嘅店，簡直名不符實，奉勸老闆唔好剩係谷宣傳，好心俾心機同誠意去做好啲燒鵝
重收呢個價錢真係好唔值，所以我哋唔會再有下次囉！
張貼
