影片
更多
2019-05-24
184 瀏覽
黎過幾次北角做野已經發現呢度可算係美食沙漠，地鐵站附近行一圈難得發現新開左間型格玻璃屋餐廳，正正就係我曾經係觀塘工廈留下不俗印象既"高興"分店，二話不說就同朋友入左去happy friday。蕃茄菠菜芝士雲吞 ($72)意大利雲吞好多時都係醬汁比餡料更令人難忘，今次亦唔例外。 蕃茄醬汁飽含蕃茄蓉，味道天然鮮甜又有蔬菜口感，重點係面頭灑上晶瑩剔透既分子料理，咬開就發現係黑醋粒粒。 肉餡有輕微奶香味，雲吞皮亦夠煙韌，本來平平無奇，但黑醋粒粒同時係口中破開，就拼發出奇妙既化學作用，好清新開胃。蒜香車厘茄帶子寬條麵 ($88)色彩繽紛又足料，寬條麵明顯係自家製，煙韌彈牙又有蛋香。 雖然鋪滿左車厘茄同蒜粒，食落其實蒜香味唔濃，反而係麵條本身既原味為主。 要讚下車厘茄同帶子都好新鮮，帶子幼嫩鮮甜，不知不覺連邊位都食埋，有三大粒好滿足呀。高興雞中翼配牛油果醬忌廉醬 ($48)雞翼超級嫩滑多汁又入味，典型水牛城tabasco調味，唔洗再點醬已經好惹味。 牛油果醬幼滑香濃，點少少又令味道昇華，反而忌廉醬就失色左少少冇咩存在感，但整體性價比好高。洋蔥煙肉流心蛋焗啡菇 ($42)雖然每次見到大啡菇都會有心癮
蕃茄菠菜芝士雲吞
$72
10 瀏覽
0 讚好
0 留言
蕃茄菠菜芝士雲吞
$72
15 瀏覽
0 讚好
0 留言
意大利雲吞好多時都係醬汁比餡料更令人難忘，今次亦唔例外。 蕃茄醬汁飽含蕃茄蓉，味道天然鮮甜又有蔬菜口感，重點係面頭灑上晶瑩剔透既分子料理，咬開就發現係黑醋粒粒。 肉餡有輕微奶香味，雲吞皮亦夠煙韌，本來平平無奇，但黑醋粒粒同時係口中破開，就拼發出奇妙既化學作用，好清新開胃。
蒜香車厘茄帶子寬條麵
$88
12 瀏覽
0 讚好
0 留言
蒜香車厘茄帶子寬條麵 ($88)色彩繽紛又足料，寬條麵明顯係自家製，煙韌彈牙又有蛋香。 雖然鋪滿左車厘茄同蒜粒，食落其實蒜香味唔濃，反而係麵條本身既原味為主。 要讚下車厘茄同帶子都好新鮮，帶子幼嫩鮮甜，不知不覺連邊位都食埋，有三大粒好滿足呀。
高興雞中翼配牛油果醬忌廉醬
$48
7 瀏覽
0 讚好
0 留言
雞翼超級嫩滑多汁又入味，典型水牛城tabasco調味，唔洗再點醬已經好惹味。 牛油果醬幼滑香濃，點少少又令味道昇華，反而忌廉醬就失色左少少冇咩存在感，但整體性價比好高。
洋蔥煙肉流心蛋焗啡菇
$42
3 瀏覽
0 讚好
0 留言
洋蔥煙肉流心蛋焗啡菇
$42
9 瀏覽
0 讚好
0 留言
雖然每次見到大啡菇都會有心癮忍唔住叫，但好多時一係出水，一係冇乜味，隨住中伏經驗越多都冇咩期望。 朋友一下切開個刻已經知係好野黎，鋪上芝士既流心蛋蛋液流淌，蛋白呈啫喱狀僅僅熟，仲夾雜左幾片煎得岩岩好唔會太乾既煙肉。 啡菇講真就唔算好厚，但幾有菇味。 咁多層一齊放入口，夾雜蛋既甘香幼嫩、煙肉既咸香同啡菇既清甜，不其然有種幸福既感覺。
慢煮烤BBQ豬肋骨
$147
16 瀏覽
0 讚好
0 留言
好多時豬肋骨一係太軟爛一係就好似煲湯瘦肉咁實淨，慢煮做法效果原來大不同，豬肋骨燒到窿邊得黎仲保持到彈性同肉汁，同時好夠腍滑入味。 一人份可以分成三大塊，兩個人分岩岩好。 薯條亦係岩岩炸起，坐成晚慢慢食都仲保持到脆身。
蜂蜜牛奶
10 瀏覽
0 讚好
0 留言
將百花蜜加入熱牛奶雖然平凡，但飲落喉嚨好舒服，有衝動返去試下整。
桂圓紅棗功夫紅茶
$28
6 瀏覽
0 讚好
0 留言
養生之選，可惜桂圓紅棗唔算好出味，只有淡淡香氣，同飲紅茶差不多。
大大個"高興"霓虹燈對去過總店既人黎講應該唔陌生，清新可愛既各式吊燈、天花五顏六色既小燈泡、彩色座位、地板花紋以至手繪牆身全部令人少女心爆發，連我絕少係餐廳影相都忍唔住瘋狂打卡。
當然唔係改個有興味既店名、裝潢靚靚仔仔、野食正路就係一間有水準既文青餐廳，我最欣賞呢度選曲好花心思，大部分係外國出名又唔會太嘈既流行歌曲，節奏輕快令人聞歌不禁輕微擺動，好耐冇試過以咁輕快既心情用膳。 另外店員都好年輕友善，樂意具體地推介菜式之餘仲識講下笑，無論係girls' night抑或情侶約會都絕對唔會失望，未食完已經諗緊幾時再黎。
張貼
