影片
更多
2015-12-27
118 瀏覽
黎到12月,終於有返啲冬天嘅感覺,所以即刻約friend打邊爐。今次去土瓜灣路邊煱新店,初頭都唔係好識去,但原來係旺角搭28m綠van 15分鐘就到,都幾方便。落車之後好快就搵到間舖,因為全條街最光猛就係佢。 等齊人之後我哋就入去,入面同出面一樣好光猛,乾淨企理,都幾舒服。 打邊爐之前先黎一客八味金磚豆腐。賣相雖然一般,但勝在外脆內滑,加上酸味味嘅黑醋醬汁,作為餐前小食可謂勝任有餘。 打邊爐最重要嘅當然係湯底,今次我哋點左野菌花甲湯,店員幫我地set好晒啲嘢之後叫我哋可先飲湯,然後再打邊爐。呢度嘅店員非常有禮貌,服務態度一流。講返個湯,用料十足,花甲食之不盡,而且空殼唔多,其他配料亦十分豐富,包括野菌,蕃茄,粟米,芹菜等。但味道一般,蕃茄味較濃,將花甲同野菌嘅鮮味蓋過,令湯底稍為失色。 飲完湯後就開始入戲肉,由於人數唔多,我哋只係點左幾樣野食。 牛頸脊,同一般肥牛唔同,係厚切嘅,所以咬落去好實在,加上脂肪唔多,所以多食都唔會膩。 花竹蝦,係全晚最驚喜嘅一環。本身我出街打邊爐都唔多食蝦,因為多數都得雪味,同埋啲肉好霉。但呢個花竹蝦不單止無雪味好新鮮,而且肉多彈牙,蝦頭仲有少許蝦
等齊人之後我哋就入去,入面同出面一樣好光猛,乾淨企理,都幾舒服。
打邊爐之前先黎一客八味金磚豆腐。賣相雖然一般,但勝在外脆內滑,加上酸味味嘅黑醋醬汁,作為餐前小食可謂勝任有餘。
打邊爐最重要嘅當然係湯底,今次我哋點左野菌花甲湯,店員幫我地set好晒啲嘢之後叫我哋可先飲湯,然後再打邊爐。呢度嘅店員非常有禮貌,服務態度一流。講返個湯,用料十足,花甲食之不盡,而且空殼唔多,其他配料亦十分豐富,包括野菌,蕃茄,粟米,芹菜等。但味道一般,蕃茄味較濃,將花甲同野菌嘅鮮味蓋過,令湯底稍為失色。
飲完湯後就開始入戲肉,由於人數唔多,我哋只係點左幾樣野食。
牛頸脊,同一般肥牛唔同,係厚切嘅,所以咬落去好實在,加上脂肪唔多,所以多食都唔會膩。
花竹蝦,係全晚最驚喜嘅一環。本身我出街打邊爐都唔多食蝦,因為多數都得雪味,同埋啲肉好霉。但呢個花竹蝦不單止無雪味好新鮮,而且肉多彈牙,蝦頭仲有少許蝦膏。 最後我都食左4至5隻,大家黎到一定要試下。
廣島蠔。賣相一流。一黎到好想即刻生吞落肚。不過為安全起見,最後都係放左落爐。啲蠔幾新鮮,撈返上黎都唔係縮左好多水,食起黎啖啖肉,值得一試。
韮菜餃。味道一般,勝在餡料夠多。
手打四寶丸同鵝腸。無乜特別,中規中矩。飲品方面,價錢較外面貴 ,不過打邊爐唔飲嘢又好似爭咁啲,所以最後叫左支竹蔗茅根。
總括黎講,店舖衞生唔太逼,食物水準唔錯有驚喜,有機會會再來。
張貼
