影片
更多
2006-01-10
38 瀏覽
約左友人係深水步8:30pm, 想去稻香, 但要等好耐下... 去有骨氣又悶悶地... 最後決定去好多人都介紹正既骨烋皇試試... 由於本身幾熟大角咀的路, 加上有楂車, 所以都幾易搵到, 而個度泊車都幾容易搵位, 但由於見到鐵馬叔叔好努力咁係度抄牌, 最後都係泊左停車場, $10 一個鐘, 好過心掛掛食得唔安樂!去到當然叫左豬骨煲, 但就唔記得巴士大佬教個招"細煲大煲上"。由於佢的細煲其實已好大煲, 但佢d 豬骨仲多, 根本無乜位可以烚野食... 咁唯有堆起d 豬骨係一邊, 先自有d 位烚下... 一口氣叫了：豬骨煲(細) $60 - 掂, 湯底夠味, 胡椒有少少辣, 豬骨入味, 粟米超甜, 當然湯底是有味精啦!頂級肥牛(大) $128 - 普通, 唔夠雪花, 比較, 但食得出有牛味生蠔(例) - $40 新鮮, 充滿蠔味但又一D 都唔醒...蟶子(例) - $40 幾好, 但比較細隻無乜肉食...大蜆(例) - $50 正, 新鮮又甜, 但唯一美中不足是始終有少少沙係入面...花枝片- $15 超簿, 爽口但就無乜魷魚味LU...墨魚滑- $30 彈牙有咬口, 好味~蟹粉丸- $
由於本身幾熟大角咀的路, 加上有楂車, 所以都幾易搵到, 而個度泊車都幾容易搵位, 但由於見到鐵馬叔叔好努力咁係度抄牌, 最後都係泊左停車場, $10 一個鐘, 好過心掛掛食得唔安樂!
去到當然叫左豬骨煲, 但就唔記得巴士大佬教個招"細煲大煲上"。由於佢的細煲其實已好大煲, 但佢d 豬骨仲多, 根本無乜位可以烚野食... 咁唯有堆起d 豬骨係一邊, 先自有d 位烚下...
一口氣叫了：
豬骨煲(細) $60 - 掂, 湯底夠味, 胡椒有少少辣, 豬骨入味, 粟米超甜, 當然湯底是有味精啦!
頂級肥牛(大) $128 - 普通, 唔夠雪花, 比較, 但食得出有牛味
生蠔(例) - $40 新鮮, 充滿蠔味但又一D 都唔醒...
蟶子(例) - $40 幾好, 但比較細隻無乜肉食...
大蜆(例) - $50 正, 新鮮又甜, 但唯一美中不足是始終有少少沙係入面...
花枝片- $15 超簿, 爽口但就無乜魷魚味LU...
墨魚滑- $30 彈牙有咬口, 好味~
蟹粉丸- $15 應該是交來貨式, 不評!
炸魚皮- $15 炸得幾好, 夠脆口!
豆苗- $15 當造自然甜
蓎蒿- $15 個人喜好
2 人埋單雖然$430, 看似好貴, 但實際吃了很多新鮮正海鮮, 所以其實絕對接受到! 如果不叫頂級肥牛, 食普通貨, 應該$3XX 已落到樓! 環境方面, 以大排檔算係企理, 但就唔少人猜枚同玩"式宗", 所以都幾燥同大煙, 洗手間也比較污糟, 待應姐仔哥仔都唔係幾理人... 但又無話黑面...
張貼