小白鷺餐廳 (已結業)

今年的生日，朋友與我到小白鷺慶祝，一行七大一BB，朋友預早book定位，原來當日有新人在此餐廳擺酒，所以大家是日晚上坐於另一邊。環境稍為遜色。大家唔想每人一個set dinner，所以係order大家一齊share，先黎o既係兩客麵包籃，微暖的麵包份外軟配上牛油，已經食得開心。食完麵包，首先係食法式拼盤，而拼盤有五款巧手精緻小食，包括有鮮大蝦,法國鵝肝醬,煙三文魚,法國煙鴨胸,黑魚子醬釀蛋，論味道真係麻麻地，試過就算數了。接住就係兩客沙律，一客是三文魚凱撒沙律，另一客是小白鷺特色沙律，前者沙律菜爽脆三文魚夠鮮味；後者材料豐富，兩款沙律都十分美味。隨著食完沙律，幾款主菜亦同一時間端上，BBQ豬骨排，豬骨做得很軟林，BBQ醬汁亦都很配合，味道不差。另一主菜是燒香草美野雞，雖然野雞很mini，但香草味滲入晒雞肉中，朋友亦都讚美味。兩客意粉亦有驚喜，三文魚墨汁意粉雖然會食到成口黑麻麻，但味道不差，但就偏咸少許，但都頗出色。另一客香草醬大蝦扁意粉，大蝦很鮮很爽，配上扁意粉，亦都很出色。