影片
更多
2021-03-23
41 瀏覽
一去到餐廳門口就見到掛滿左一個個紅色燈籠，充滿日本風情，最重要係路痴唔會認唔到間餐廳！經過樓梯行落去嘅時候，空氣瀰漫住下面傳上黎嘅串燒香氣，未食先聞就已經按捺不住。店舖裏面嘅裝潢同燈光基本上與日本居酒屋一樣，猶如置身於日本。係我同友人就座之後，店員十分細心地介紹店鋪嘅推薦菜及日本酒菜單。由於我地想飲啲酒精含量唔會太高嘅日本酒，店員就推薦左鶯宿梅梅酒比我地，結果比想像中嘅更加好飲，非常易入口同開胃，忍受唔到清酒嘅朋友不妨一試！鍾意飲酒嘅朋友亦可以考慮加$168/1位 無限時任飲添～咩酒都可以試下咁～風味焗蠔四食，可以一次過滿足四種口味嘅焗蠔，當中包括柚子醬、黑松露醬、明太子醬以及蒜蓉口味。最令我大開眼界嘅就係柚子醬味，本來驚佢會太酸，但配上一層肉鬆後，食落去岩岩好，唔會覺得好酸；而係呢四種最無得輸嘅⋯當然就梗係蒜蓉焗蠔啦，簡直係完美配搭，連好驚海鮮腥味嘅友人亦覺得好美味。另外，我地仲點左個清酒煮蜆。我同友人都一致認為煮得唔夠入味，稍為比較失望嘅一道菜。如果可以煮濃啲會比較吸引，值得去改善嘅一道菜。味道尚可接受，唯獨未夠入味。最後係串燒方面，個人認為比較出色嘅就有燒牛柳、燒頂級牛小排串同鹽
係我同友人就座之後，店員十分細心地介紹店鋪嘅推薦菜及日本酒菜單。由於我地想飲啲酒精含量唔會太高嘅日本酒，店員就推薦左鶯宿梅梅酒比我地，結果比想像中嘅更加好飲，非常易入口同開胃，忍受唔到清酒嘅朋友不妨一試！鍾意飲酒嘅朋友亦可以考慮加$168/1位 無限時任飲添～咩酒都可以試下咁～
風味焗蠔四食，可以一次過滿足四種口味嘅焗蠔，當中包括柚子醬、黑松露醬、明太子醬以及蒜蓉口味。最令我大開眼界嘅就係柚子醬味，本來驚佢會太酸，但配上一層肉鬆後，食落去岩岩好，唔會覺得好酸；而係呢四種最無得輸嘅⋯當然就梗係蒜蓉焗蠔啦，簡直係完美配搭，連好驚海鮮腥味嘅友人亦覺得好美味。
另外，我地仲點左個清酒煮蜆。我同友人都一致認為煮得唔夠入味，稍為比較失望嘅一道菜。如果可以煮濃啲會比較吸引，值得去改善嘅一道菜。味道尚可接受，唯獨未夠入味。
最後係串燒方面，個人認為比較出色嘅就有燒牛柳、燒頂級牛小排串同鹽燒雞翼，不過私心推薦蒜蓉茄子，食串燒必點之一。
呢兩款以牛做食材嘅菜式，燒完後完全唔硬，唔會燒到硬哂咬唔到，而肉味鮮嫩可口；
至於鹽燒雞翼比起其他坊間嘅串燒店更加入味，食開輕口味嘅友人都覺得鹹度適中，可見在醃製方面有做足功夫，有做足調整；
最後到私心推薦嘅蒜蓉茄子，蒜蓉同蔥都好夠，所以好入味～另外唔會食到好油，茄子皮亦冇燒到燶哂。本來呢道茄子就已經係微辣嘅，個人認為大家可以再係上面加多少少辣粉，會令佢嘅味道更上一層樓。總括而言，所有串燒都燒得出色嘅，冇出現未熟、燒燶同過熟嘅情況，亦唔會燒到乾硬哂，不過最重要梗係 趁熱食～因為凍左會硬，所以記得要趁熱食啊～
吉列炸蠔都炸到好香口，而且仲唔會好乾👍👍
整體黎講，我地都好滿意！餐廳嘅環境同氣氛係非常之適合同朋友/同事聚會，大家可以係呢個舒適嘅環境暢食暢飲～另外店員嘅服務態度亦十分好，好有禮貌，每上一道菜都會告知食物名，以作簡介同確保冇漏單。👍👍👍
張貼
