御品·千之味 (深水埗) (已結業)

今晚收工有啲攰，諗住求其買個外賣返屋企，途經呢間「御品-千之味」，係門口睇到餐牌見到啲壽司好靚，而且又好多品種，啲小食又好吸引，於是就決定外賣自取返屋企慢慢歎。原來呢間餐廳係出名外賣到會，佢好多區都會外送，開party叫到會岩晒啦～鋪頭既鋪面都算寬闊，就算係堂食都坐得舒服，環境乾淨企理，同埋有好多日式既decoration，見到達摩，有種好想飛去日本既感覺😃今日好肚餓，所以我叫左兩個人氣壽司拼盤，同埋一個芝麻八爪魚小食😋千之人氣壽司拼盤A(14件) $108有玉子、蟹棒、鰻魚、腐皮、 吉列炸蝦卷呢個拼盤好豐富，一共有14件壽司，當中有4件鰻魚，4件吉列蝦卷，平時唔食魚既我，怕腥，但呢啲鰻魚我又食到喎，唔會好大陣腥味。千之人氣壽司拼盤C(12件) $158有火炙左口魚、火炙鰻魚、火炙三文魚腩、火炙芝士帶子、火炙芝士三文魚、火炙芝士蟹棒呢個壽司拼盤全部都係火炙，當中我覺得最好食係火炙芝士三文魚，好香滑既芝士，配上火炙三文魚，個味好夾。左口魚、帶子、三文魚腩都新鮮，呢啲咁熱天氣，外賣自取返到屋企都仲keep到新鮮無變味，順帶一提，店員好窩心咁係外賣袋入面放左一大舊冰，確保食物係炎熱天氣下唔會