板燒郎燒肉鐵板放題料理專門店 (已結業)

我係前幾日已經訂左10位。今日一去到就可以入座，佢地就俾左一間大房我地，任我地玩到幾瘋都得。我地一坐低就開始叫野食，佢地嚟野都嚟得幾快，生野一嚟到就幫我地開爐俾我地燒野，完全唔會曬食客時間。人手又充足，好快就收左我地食完嘅野，服務態度都幾好，生日個個仲會有神秘禮物送俾佢，就算有蛋糕食都唔會趕你走，等你開開心心食埋先。啲野食好好味，我地叫左生蠔、拖羅、元貝、鵝肝、青口等等，啲生蠔、拖羅同長腳蟹好新鮮，啲菜式選擇都好多，除左一般放題有嘅日式菜外，仲會有泰國菜：有生蝦、雞絲粉卷、蝦餅、魚餅等，仲要大部分叫左嘅都有嚟齊。我地幾個食完之後都話下次大時大節都會再嚟。佢地仲話呢到有蒸氣火鍋，我諗我地下次會嚟試下呢個蒸氣火鍋。