美心MX (天晉匯3)

營業中

休息中

放工唔知食乜，求其去咗附近MX鋸扒。鐵板餐有兩個選擇：雜錦（炸蝦🍤、雞扒、豬肉腸）或牛扒🥩。點了厚熱肉眼牛扒（$79）：包括龍蝦酥皮湯及啫喱。鐵板唔算好熱，但係都OK啦，冇咁熱氣。個牛扒份量足夠、配粗薯條🍟及些少蔬菜🥦。選了黑椒汁，個醬汁都好香濃。個湯酥皮夠酥脆，但只有半碗及幾粒蝦仁粒。最後以青檸啫喱作結，而家都唔係好多快餐店有啫喱食，面頭有幾粒雜果，同埋可以叫阿姐俾花奶。當懷舊一番。食晒成個餐其實都幾飽吓。