德興酒家 (已結業)

今日老闆心情好，突然請大家食午餐。我地更係開心到死啦，一大隊人(約10個)一齊出去飲個茶。為咗就老闆同啲要去灣仔開會的同事，我地就去咗灣仔飲茶。德興啲點心都唔錯，佢唔係蒸咗好耐出晒水果啲，而係正到剛剛好。佢的用料好新鮮，啲燒賣同蝦餃都係皮薄料靚，個賣相都唔錯。個叉燒菠蘿包，個皮好好味好香脆，啲料好多汁。牛肉球又好鮮嫩，仲有就係個魚湯米線，個湯好甜。成餐飯都好好食，多謝老闆。