鐵魚川式食堂 (已結業)

前排先食完麻辣雞煲，嗰日見到隔離枱食酸魚之後都即刻好想試下! 所以即刻好快就去約朋友食喇，佢上網search咗之後就帶左我嚟銅鑼灣呢一間食川菜既地方，搭lift差唔多到個一層既時候，已經聞到一陣陣好香既麻辣味。入到嚟見價錢都算合理，最平個隻魚喺$198一位，有得揀返指定數量既前菜、海鮮、肉同埋菜，而其他套餐就會喺可以揀多啲甚至喺無限添加既配料。而我哋第一次上嚟就決定揀個最平既嚟試下先，魚就揀左江團魚同最小既麻辣味。條魚好快就嚟到，而熟左之後會有一個職員特登過嚟幫你分魚，服務加分 條魚都唔算少骨，所以食既時候要小心啲，不過勝左魚肉又肥又滑，因為條魚本身應該有煮過，所以連魚皮都好好食前菜有沙律、雲耳、豆牙同埋有啲似泡菜味道既辣菜，開胃之用，最鐘意喺個沙津！肉類就有豚肉、安格斯牛(加$38)，啲肉食落去都幾新鮮，特別喺啲牛，吸埋啲麻辣湯好正，而且份量又唔少，抵加$38!海鮮就揀左蝦、聖子同埋大蜆，都喺好新鮮同肥美，特別喺隻蝦!因為兩個人都食唔到太多，所以就叫左個生菜同一個涷豆腐就夠，涷豆腐用嚟打邊爐真喺好正，完全吸晒個湯啲味而飲品我哋就想試啲新嘢，所以就叫左職員推介佢哋自家既特飲 - 菊花薑