影片
更多
2010-02-09
11 瀏覽
本來諗住同老婆好好慶祝情人節及拍拖紀念, 上openrice搵日本放題, 好似係觀塘的外野手好好咁, 就訂左8.30pm, 點知換尼一肚火…話說我地果晚响apm行左一輪又買左好多年貨, 拎住幾大袋野, 好重, 諗住早d去坐低休息下, 8.05pm就去到, 點知個四眼女侍應話一定要8.30pm先可以入座, 叫我地出去四圍行下先, 我地出左去行唔夠1分鐘見到周圍都係工廠大廈, 點行25分鐘呀??? 唯有再入去問下可唔可以坐低但唔落order住啦, 入到門口我地都未出聲, 個四眼女侍應就已經話:“真係未夠鐘入得, 你地8.30pm先再尼啦!”“你地間舖周圍乜都無, 我地點行25分鐘呢? 我地仲拎住幾大袋野喎, 你地睇下, 好重喎…”“我地未清場喎…”“成間舖得一枱客, 其他位碗筷都放好晒, 你地仲清咩野場? 我地只係想坐低, 唔落order住未得囉.”“我地真係要清場喎…” (望都唔望我地, 扮執枱, 其實張枱上面的碗筷已經放得好整齊, 枱面亦好乾淨)“我地只係坐低都唔得???” (完全唔明理由)“你地自己去問經理…” (要客人自己去問, 邊位係經理呢???? 而佢繼續扮執枱)“我自己去問?
話說我地果晚响apm行左一輪又買左好多年貨, 拎住幾大袋野, 好重, 諗住早d去坐低休息下, 8.05pm就去到, 點知個四眼女侍應話一定要8.30pm先可以入座, 叫我地出去四圍行下先, 我地出左去行唔夠1分鐘見到周圍都係工廠大廈, 點行25分鐘呀??? 唯有再入去問下可唔可以坐低但唔落order住啦, 入到門口我地都未出聲, 個四眼女侍應就已經話:
“真係未夠鐘入得, 你地8.30pm先再尼啦!”
“你地間舖周圍乜都無, 我地點行25分鐘呢? 我地仲拎住幾大袋野喎, 你地睇下, 好重喎…”
“我地未清場喎…”
“成間舖得一枱客, 其他位碗筷都放好晒, 你地仲清咩野場? 我地只係想坐低, 唔落order住未得囉.”
“我地真係要清場喎…” (望都唔望我地, 扮執枱, 其實張枱上面的碗筷已經放得好整齊, 枱面亦好乾淨)
“我地只係坐低都唔得???” (完全唔明理由)
“你地自己去問經理…” (要客人自己去問, 邊位係經理呢???? 而佢繼續扮執枱)
“我自己去問???????”
“咁你地出門口企下等下先啦….”
“你地成間舖得一枱客, 咁多位, 都要我地出門口企? 你肯定我地8.30pm前唔可以坐低? 如果係咁, 你地cancel我地booking, 我地唔會幫襯你地喇….” (一肚氣…)
事隔5分鐘, 真係好想問過究竟, 再打俾外野手搵經理問清楚…
“可唔可以請你地經理尼聽?”
有個姓龔的小姐尼聽
“我想問下我地係訂左8.30pm, 頭先尼過你地舖頭2次, 但你的同事都話要8.30pm先入得, 我想問下點解呢? 其實你地係有好多位, 而我地又拎住幾大袋野, 連坐都唔得???”
“我地d同事要執好個場, 咁未必有時間招呼你地”
“其實你地間舖所有枱已經執好晒, 我地只係想坐低啫, 都唔得?”
“都係怕招呼唔到你地啫”
“我地就算坐低都只係要一杯茶, 咁都招呼唔到?”
“咁我地都要幫你地斟下茶既…”
“斟個茶都唔得? 我地唔落order你地無野要招呼我地喎…”
“咁都要招呼下既…” (都唔明要招呼d乜, 跳part舞唱首歌俾我地咩???!!!!)
“你的同事見我地拎住幾大袋野都要我地出門口外面等, 我係客, 我唔明點解你的同事好似當我地尼乞食咁, 尼求你地俾個位我地坐下, 我唔知佢的原意可能係叫我地等等定係咩(我仲要幫佢地搵埋藉口), 但係佢的態度真係好有問題, 好似趕我地走囉…”
“咁佢的態度係掘左d”
“你地咁既餐廳我唔會再尼幫襯…” (收線)
好地地一餐慶祝飯, 就攪到成肚氣, 仲要拎住幾大袋野周圍搵食, 呢d咁既餐廳d野再好食都唔洗旨意有人尼幫襯!!
張貼