影片
更多
2010-09-20
110 瀏覽
尋晚蝗蟲家庭聚首一堂出外食飯做節,席間大姨話早兩晚,佢"波士"豪請左公司同事去左"為食總司令"()個幟哥0個間龍皇食飯慶中秋~我不禁講聲:"嘩~你波士都幾闊佬wor", 話哂都係星級食府,閒閒地每人都五、六舊水落樓走唔甩~ 大姨話: "貴係貴,不過d野食就真係唔錯wor" (實情最緊要都係唔駛自己俾錢有得食好野) 大姨知我有0係openrice寫開食評, 叫我代佢同大家分享下~ (佢話自己唔識打字) 所以...以下食評全由大姨口述, 我代筆...當晚套餐每位$488,內容如下:紅酒一杯- 就算唔係好識品酒...但入口都feel到係好野~! 識嘆紅酒波士都話得~!生拆蟹皇翅- 正! 翅0既濃度調較得剛剛好~!冇好似好多其他酒家0既翅咁"杰撻撻",呢個好易入口, 味道又夠香濃, 係傑出之作~!蠔皇扣原隻澳洲四頭鮑魚- 正x2~! 鮑魚夠入味, 夠"淋"得0黎依然不失咬口~口感好好~食到成枱人嘴lam lam~炸蠔- 後來睇返先知原本menu 係砵酒焗石蠔,但改左做炸蠔~ 外層炸得脆卜卜, 內裡0既蠔依然肥潤, 腥味唔重, 就算平日唔多好食蠔,都覺得好味! 香草汁燒肋骨-似西式野,但唔算太
當晚套餐每位$488,內容如下:
紅酒一杯- 就算唔係好識品酒...但入口都feel到係好野~! 識嘆紅酒波士都話得~!
生拆蟹皇翅- 正! 翅0既濃度調較得剛剛好~!冇好似好多其他酒家0既翅咁"杰撻撻",呢個好易入口, 味道又夠香濃, 係傑出之作~!
蠔皇扣原隻澳洲四頭鮑魚- 正x2~! 鮑魚夠入味, 夠"淋"得0黎依然不失咬口~口感好好~食到成枱人嘴lam lam~
炸蠔- 後來睇返先知原本menu 係砵酒焗石蠔,但改左做炸蠔~ 外層炸得脆卜卜, 內裡0既蠔依然肥潤, 腥味唔重, 就算平日唔多好食蠔,都覺得好味!
香草汁燒肋骨-似西式野,但唔算太特別~
海蝦泡菜苗-海蝦蝦味足, 但菜就略嫌唔夠嫩~
椰汁燉官燕- 個人覺得椰汁味太濃, 但喜歡椰味0既人應該覺得好正~
環境方面...裝潢都算幾有氣派, 但因為多枱所以好似逼夾左少少, 好在0個晚坐0個張枱同隔離枱中間有幅薄紗隔一隔圍一圍, 都叫有返d私人空間feel~ 雖然張枱離窗有段距離, 但都望到個無敵靚海景,如果可以坐窗位應該正好多~
至於服務...都唔錯, 人手充足, 有幾個waiter serve一張枱, 唔會話"叫天不應"咁~
總括0黎講, 龍皇0既消費確係高, 話哂都有返咁上下名氣派頭,但係論食物, 論環境都叫係物有所值0既~
P.S. 鳴謝大姨提供埋相片,但由於掛住食,未能味味餱都影, 敬請見諒~
張貼
