Bondi (已結業)

今晚喺觀塘放工食自己，呢間Bondi同事帶我食晏食過一次，都唔錯，所以今晚自己嚟左呢度食！黑松露野菌湯 （$48）好濃蘑菇蓉，我鍾意！仲有麵包條送湯。叫多左個豬鞍架食：燒焗美國豬鞍架 配 香草汁 （$178）- 原來好大塊，好彩幾好食，唔太韌，燒焗得幾入味，帶鹽香。但肉味比較淡，所以點埋汁食就岩晒。豬鞍架下仲有薯仔同蕃薯粒，份量堅飽肚。雖然張枱有成支水比我汁，但我都叫左杯 Matcha Latte （$38）竟然有拉花，都幾靚！綠茶味都夠，入口都幾滑。