有蒸氣 海鮮石鍋專門店 (已結業)

早幾日同朋友講想食蒸氣鍋，今晚就帶我來尖沙咀食一餐海鮮蒸氣鍋，這裡私隱度高有幾間房可以同一班朋友嚟暢飲豪食一番。我哋揀了“牛肉海鮮餐” ，首先可以揀粥底定湯底，我哋揀了南瓜雞粥，一陣食完海鮮就有得食喇。花甲蒸3分鐘，花甲香甜鮮嫰。紐西蘭蟶子蒸3分鐘，大大隻蟶子非常鮮甜新鮮夠彈牙。大連鮑魚蒸兩分鐘，好爽甜鮮嫰。冬菜蒸馬友六分鐘，好少食新鮮馬友估唔到很鮮甜有咸香味。清蒸花蟹蒸五分鐘，新鮮蟹肉鮮甜好嫰滑。手剁墨魚丸蒸七分鐘，新鮮彈牙有咬口。安格斯牛小排蒸一分鐘，牛肉味濃肉質鮮嫰。甜梅菜蒸菜心苗，菜心苗爽脆加埋甜梅菜好夾。黑松露蒸蛋蒸五分鐘，店員送給我們吃話好多食客食完都會再柯打架。蒸蛋真的幼滑香甜配埋香濃黑松露，食完一碗唔夠喉呀！最後係粥底時間喇，粥底煲好南瓜香甜雞肉鮮嫰，粥底米香軟綿綿。臨走時仲有木瓜雪耳煲糖水做甜品，食完好 滋潤好滿足呀！