影片
更多
2019-09-12
34 瀏覽
近排香港開多左好多日式鐵板牛扒店，因為價錢平民就可以食到jarjar聲．inevitable，每次行過都見到大排長龍。今日終於約到朋友黎體驗下係咪真係咁物超所值啦～呢度有三種選擇：肉眼、牛柳同西冷。我叫左塊400g嘅西冷扒，因為根據介紹，我個人比較鍾意肉質較結實有口感嘅。而熟度呢，就當然係Gordon Ramsay都推薦嘅Medium rare啦。加上本身有鐵板墊住，入口個陣個熟度會再熟少少～店員現場即叫即切400g西冷出黎，快狠準，真材實料，值得嘉許～之後我配左個set，入面有飲品、白飯、沙律同味噌湯四揀三，我個人鍾意牛扒就咁享用，而且400g份量都唔少，叫飯可能清唔哂，所以就配左其他三樣。等左一陣，取餐個牌仔終於響了！鐵板一路滋滋聲咁煎住塊扒，場面相當激烈，蒜頭同牛油d香氣撲鼻而來，仲插左支旗仔係塊扒上面，個畫面好過癮。餐廳有提供柚子醬汁，而我就鍾情於磨少少岩鹽同黑椒食牛扒原味，磨少少岩鹽同黑椒就已經可以做到個效果。橫切面上三成近五成嘅熟度，配上調味料同蒜蓉，入口就係好食牛扒應有嘅味道，牛味濃郁，風味十足，好食！一路食牛扒都不忘食下其他配菜。沙律主要係椰菜絲同蘿蔔絲，配上芝麻醬，清
呢度有三種選擇：肉眼、牛柳同西冷。我叫左塊400g嘅西冷扒，因為根據介紹，我個人比較鍾意肉質較結實有口感嘅。而熟度呢，就當然係Gordon Ramsay都推薦嘅Medium rare啦。加上本身有鐵板墊住，入口個陣個熟度會再熟少少～
店員現場即叫即切400g西冷出黎，快狠準，真材實料，值得嘉許～
之後我配左個set，入面有飲品、白飯、沙律同味噌湯四揀三，我個人鍾意牛扒就咁享用，而且400g份量都唔少，叫飯可能清唔哂，所以就配左其他三樣。等左一陣，取餐個牌仔終於響了！鐵板一路滋滋聲咁煎住塊扒，場面相當激烈，蒜頭同牛油d香氣撲鼻而來，仲插左支旗仔係塊扒上面，個畫面好過癮。
餐廳有提供柚子醬汁，而我就鍾情於磨少少岩鹽同黑椒食牛扒原味，磨少少岩鹽同黑椒就已經可以做到個效果。橫切面上三成近五成嘅熟度，配上調味料同蒜蓉，入口就係好食牛扒應有嘅味道，牛味濃郁，風味十足，好食！
一路食牛扒都不忘食下其他配菜。沙律主要係椰菜絲同蘿蔔絲，配上芝麻醬，清新得黎味道唔會單調，加埋烏龍茶可以為牛扒嘅膩感中和一下。
味噌湯都幾ok，唔係得個鹹字個種平價即沖包，味噌帶有少少鹽香，亦有海帶做配料，幾好味。
整體黎講性價比都幾高，如果驚唔夠飽仲可以揀飯。抵食餐廳list+1 ！
張貼
