侍元

營業中

休息中

嚟到海之戀商場，諗住行一行Donki。係附近見到呢間餐廳就走咗入去食。入到去見到間餐廳好窄、冇乜地方，已經心感不妙。見到有個QR code，本身以為係用嚟自助點餐，結果就係社交平台度睇餐牌，社交平台又好慢，根本好難睇到。店內明明有實體餐牌，點解要專登睇社交平台餐牌？之後睇來睇去，嗌咗個侍元味噌拉麵。上到嚟見到個碗拉麵上有兩舊肉咁，本身以為應該好好食，但係一咬落去發現啲肉好柴全部都係瘦肉，好難咬。同埋啲肉唔知點解有啲莫名其妙嘅竹籤味。個湯底亦好普通，淨係一般麵豉湯嘅味道。食過之後應該唔會再食。而且個餐都有啲貴要70幾蚊，附近有更多水準較好嘅餐廳。呢個拉麵嘅水準唔值得呢個價錢。