影片
更多
2011-01-04
25 瀏覽
沙爹王唔係第一次食,但因為食唔同分店食所以感受都有點兒唔同. 但整體上ok既今次去左cwb廣場1期食,以海盜為主題餐廳, 好耐之前食過一次 但印象麻麻...今次有人請所以又去多一次!7點5分到到,入到去仲有好多吉台,冇計啦 地方真係太大,如果爆滿既話真係幾恐怖,周圍同之前一樣好多海盜物品,又真係幾有feel,連d 台椅都係木,最衰侍應唔係著海盜衫,否則會更加入型入格4個人點下唔同野食share係最好選擇,今日點了6隻餸:XO醬炒蘿蔔糕:對我來講有D辣,但的確非常惹味,個XO醬係個靈魂,個辣冇令人反感!奶油津白:奶油味唔夠重,食落去FEEL唔到,但加左臘腸令到個味冇咁單調, OK!海鮮忌廉鍋:見到特價ok抵就試下,味道幾好而且湯唔會太稀,海鮮都多,好多蜆3隻蝦仲有魚,抵食!避風塘炸軟殼蟹:一隻太細,雖然香口好味,但唔夠分...香葉包雞:葉包唔晒隻雞,荷香葉既味都好少,但雞肉ok軟但入味!焗茄汁豬扒飯:茄汁唔似平時出面食個D,可能自己較過來,但都OK 炒飯OK香口但有少少濕但都算唔錯!氣氛格調幾好,夠安靜,但燈光有時可能太暗..想睇D野都要搵野照,同埋侍應人手好似唔係幾夠咁,個豬扒飯原來出
今次去左cwb廣場1期食,以海盜為主題餐廳, 好耐之前食過一次 但印象麻麻...今次
有人請所以又去多一次!
7點5分到到,入到去仲有好多吉台,冇計啦 地方真係太大,如果爆滿既話真係幾恐怖,
周圍同之前一樣好多海盜物品,又真係幾有feel,連d 台椅都係木,最衰侍應唔係著海
盜衫,否則會更加入型入格
4個人點下唔同野食share係最好選擇,今日點了6隻餸:
XO醬炒蘿蔔糕:
對我來講有D辣,但的確非常惹味,個XO醬係個靈魂,個辣冇令人反感!
奶油津白:
奶油味唔夠重,食落去FEEL唔到,但加左臘腸令到個味冇咁單調, OK!
海鮮忌廉鍋:
見到特價ok抵就試下,味道幾好而且湯唔會太稀,海鮮都多,好多蜆3隻蝦仲有魚,抵食!
避風塘炸軟殼蟹:
一隻太細,雖然香口好味,但唔夠分...
香葉包雞:
葉包唔晒隻雞,荷香葉既味都好少,但雞肉ok軟但入味!
焗茄汁豬扒飯:
茄汁唔似平時出面食個D,可能自己較過來,但都OK 炒飯OK香口但有少少濕但都算唔錯!
氣氛格調幾好,夠安靜,但燈光有時可能太暗..想睇D野都要搵野照,同埋侍應人手好似唔
係幾夠咁,個豬扒飯原來出左一陣都冇上,同埋加水拿野按拍示燈都要等好耐, 可能個場
真係太大,一來一回好辛苦. 但點都好今晚整體幾好!
張貼
