逸翠軒點心專門店 (已結業)

上個月與老公來食過，覺得好正，所以今次帶埋朋友一齊來。 連朋友都覺得好抵啊， 最重要食物質素真是唔錯的！點心＋雞煲＋火鍋＋任飲，每位$168😁另加十蚊醬油免加一😍。 一坐低店員送上四籠點心， 一人一籠唔使爭。有燒賣，粉果和鮮蝦菜苗餃，三款點心的味道都很好，燒賣大大粒有肉汁， 粉果和鮮蝦菜苗餃皮薄餡靚。 之後就到雞煲了，店員還會一次過送上火鍋配料。 飲品是自助的， 啤酒，汽水，檸檬茶， 自家製椰汁西米露。😋 這裏的雞煲做得很入味， 雞肉又滑又嫩，點了微辣， 入口又香又惹味，四個人有一隻雞。 火鍋配料有豬肉，牛肉，蝦，豬潤，丸類，魚， 青口，冬菇， 菜類。 第一次送來的份量已經很多， 打邊爐的配料很新鮮， 豬肉和牛肉肥瘦適中， 海鮮類好新鮮， 丸類爽口彈牙， 今次試了淮山麵， 除了比較健康之外，口感也非常煙韌。👍🏻👍🏻 第二天來去餐廳的印象還是非常好，朋友們也很滿意！