龍門冰室 (已結業)

星期六同朋友出尼食下午茶，以往食過幾次都覺得龍門冰室幾抵食、又幾好坐。呢日唸坐帶朋友尼試試。一坐低，就點左個常餐，下午茶好抵食既因為有幾樣野：揀左蕃茄牛肉湯通粉、鹹牛肉芝士蛋奄列、煉奶多士同凍檸茶，盛惠$40。佢嘅下午茶餐係一如既往咁豐富嘅，但係今次個蕃茄湯通粉食落真係麻麻，個蕃茄湯淡茂茂、又無蕃茄肉，成碗野唔多有蕃茄味今次真係有點兒失望因為比起上次喺度食嘅早餐真係爭左啲。而其他就可以接受既，奄列餡料好足、多士比出面整既厚身，唔錯！另一份下午茶相對比較理想，個朋友叫左半份西多士加炸雞髀，等20分鐘先上枱，好明顯係即叫即整嘅，熱辣辣，而且份量好大。西多士夠脆、良言炸雞髀炸得過火，肉質比較硬。不過以平價下午茶水準尼講已經可以接受！