羅麥記 (已結業)

星期日嘅lunch, 我倆揀咗去“希慎廣場”覓食。見未試過“羅麥記”，係門口望咗一陣menu, 見啲嘢食相都几吸引，就入去呢間喇！懷舊冰室嘅裝潢，供應的卻是既新又別具特色嘅美食！1.黑松露卡邦尼撈丁$68: 黑松露卡邦尼意粉就食得多，撈丁就真係未試過！茶餐廳口味融入西餐，咁都畀你夾得到，好野！仲加埋隻半熟蛋！呢碟撈丁好creamy芝味，但略嫌黑松露太淡味！2.磚頭咖喱軟殼蟹飯$92: 呢個係重頭戲，侍應生一捧上桌，我倆已眼凸凸，咁巨型嘅，今次實行畀佢ko了！磚頭吐司食得多，鹹食就第一次嚐，夠晒特別啊！未動刀已聞到香噴噴嘅咖喱！磚頭面有兩大隻軟殼蟹添，一人一隻，炸得酥脆，口感似脆炸魷魚鬚呢！鹹鹹地，撈埋咖喱汁，送飯送磚頭，極對胃呢！雖然個磚頭包鬆軟好味，但都要食剩，只好怪我倆太低估佢了……3.紅豆冰粒粒奶茶$38×2: 每杯都有四粒紅豆冰，咬落口感好，香甜綿密！成杯奶茶好好飲！Menu入面仲有好多款式未試㗎，下次再見吧！