愛上米線 (波斯富街) (已結業)

今日放假去銅鑼灣行街，經過呢間愛上米線，門口已經比個Menu吸引住，見未食過決定試下😍有別於舊式米線鋪頭，佢入面既裝修好時尚。望下個餐牌見到好多湯底俾你選擇（有8種咁多）😋我地分別叫左一碗牛魔王麻辣湯米線(小辣)同埋功夫魚腐川香麻辣湯米線(小辣)🍜店員同我地講佢地既小食都好好食，可以試下！我佢嘅恐龍蛋系列好吸引，可惜另一半唔食芥末，鍾意食芥末嘅朋友可以去試吓！😉最後我地叫左香噴噴奶黃金沙豬柳肉，椒鹽脆辣雞球👀👀牛魔王麻辣湯米線湯底除左麻辣味，仲有好濃烈既牛味！一碗米線兩種味道！👀牛丸夠彈牙、牛展同肥牛既份量又多！米線底好多，即使男仔食都好夠飽😋功夫魚腐川香麻辣湯米線🍜魚腐大大粒有5粒咁多！魚腐啖啖魚肉夠足料！米線配菜有木耳，芽菜同腐皮😚椒鹽脆辣雞球本來以為好細舊，同雞扒一樣大大舊，即炸夠香口，雞肉又夠多汁👍🏽👍🏽香噴噴奶黃金沙豬柳肉來到真係香噴噴，好重蛋黃味，一個人既話可能食唔晒，建議兩個人以上食就岩岩好😎平時通常飲野得咖啡奶茶檸茶，呢道就偏向多選擇，可以試下飲杯冬瓜茶解下辣都係唔錯既選擇🤟🏾