Goobne Chicken (The Hart)

營業中

休息中

之前已經食過呢間，覺得好食所以再幫襯多一次！上次黎主要食d 鐵板烤雞，今次諗住試下d 唔同既野。先叫左個特制雞蛋卷，係好長既一板。佢用左個蛋包飯既概念，不過裡面唔係飯，全部都係餡。d 蛋本身唔同平時去日本鋪食果d 玉子咁樣，而係好似腐皮卷咁一層層，好鬆化。裡面係d 卷物常見既青瓜蟹柳，食落有d 甜味。今次我地睇中左兩款散件果d 韓式烤雞。首先呢款就咁叫”韓式烤雞” 既烤雞籃，好大籃，皮脆肉嫩，不過個辣度好高，佢唔只外面有辣粉，就算唔連皮食入面都好辣。我覺得ok 既~ 不過同檯有人話太辣…金黃烤雞既口味就大眾化好多，金黃源自各種芝士粉，好香芝士味，亦都好甜好易入口。呢個一定要連埋皮食，成口粉咁既衝擊先至正斗…！食左咁多熱氣野梗係要飲番啖湯潤一潤番下，我地叫左個砂鍋魚糕湯。唔算好大兜，不過好足料。個湯吸晒d 魚蛋、蘿蔔同菜既精華，所以好惹味… 同埋呢個又係有少少辣，因為都有d 辣椒去煲。