樸一拉麵

營業中

休息中

「蟹膏拉麵」無之前食既「海老拉麵」咁濃味，相比起上黎就較為清淡啲。今次揀左白麵同埋慢煮叉燒。蟹膏拉麵面頭有啲蟹膏同蟹肉碎，仲有隻細蟹鉗，撈埋落個湯底，成碗湯嘅蟹味更加濃郁，層次昇華！今次既慢煮叉燒就好一般，第日一定要揀返厚叉燒先得。小食就叫左 冷凍廣島蠔，極鮮甜，一啲都唔腥，面頭有啲蔥花，個汁就辣辣地好開胃。但係！廣島蠔係期間限定小食，所以下次黎唔知仲有無得食。唐揚魷魚脆卜卜，炸到岩岩好唔會乾柴入面幾Juicy，配個唔知咩醬，綠色既，但係又幾好食，好岩送酒。