C+ Bar & Cuisine (已結業)

o係呢度食過n次， 食物水準隨住餐牌內容改變而有高有低。今次， 整體食物質素， 兩個字， 趺watt，不過未至於不滯o既。其中我地點左''洋蔥美國安格斯牛肉意大利包配薯條及沙律"同埋"芝士蕃茄焗龍脷魚伴黑松露忌廉汁"。餐湯算係水準比較穩定o既一項，一路畢到落底就有好多青豆衣.....好似好重料咁。呢款係我地成日都點o既一款。真係要講，今次水準差左。第一，牛肉似肥牛，肥膩; 第二，雖然個包唔係好多醬汁，但係都可以令到個包濕到淋哂，扣分。唯一好食，係薯條。到呢味龍脷柳，配角薯蓉一如既往地美味，黑松露忌廉汁係亮點，同龍脷柳配合得唔錯，龍脷柳煎得剛好而唔乾身，不過面頭o個pat芝士賣相大煞風景，上到枱無耐就乾涸左，又唔係特別令到主菜變得更好食，建議唔加好過。最後就係呢個迷你果凍。唔係唔好食，不過點解食左大半杯都咁似菠蘿味而唔係荔枝味呢?C+，希望下次再黎，你o既食物水準可以再穩定d。