影片
更多
2017-09-29
190 瀏覽
位置於石硤尾南山村商場平台，格格不入出現咗一間甜品鋪~由於南山村屬於比較舊嘅屋村，平台嘅食肆廚房都半開放，用餐位置都係處於室外，有帳篷作頂，唔怕日曬雨淋。粥、粉、麵、飯樣樣有，每間都經營已久。由於每間食店都裝修殘舊，所以更突顯糖室嘅特別。糖室個裝修設計的確唔錯，可以帶俾人高檔而且別樹一格嘅味道。由2016年至今，其實都只係營業咗年半左右，前幾個月突然圍板，仲以為執咗！原來都只係內部裝修，既然重開，當然要再嚟支持支持啦。因為附近都冇乜可以值得再光顧嘅甜品店。糖室重開係件值得開心嘅事，但餐牌嘅甜品種類卻重新大洗牌，今日嘅糖室仲係之前嘅糖室嗎？好多之前嘅甜品都消失咗，當然亦多咗好多新甜品。餐牌設計同之前一樣都係過膠嘅分頁，有分中式同西式類，好懷念之前嘅「白果薏米腐竹蛋」！所以特別要點返嚟回味！仲加多一個新甜品「糖室豆花伴蜜紅豆芋圓」。先講個豆花伴蜜紅豆芋圓，個名有啲長，所以要打好多幾隻字...賣相的確唔錯，味道上亦好難唔好！根本就係百福豆腐花配三花淡奶嘅味道，所以點會差？聽聞豆花係即撞，如果可以撞出百福嘅味道，師傅技術也未免太高超喇！地瓜同芋圓QQ彈，口感唔錯，紅豆煮到微爛，微甜。整體嚟講，
由於南山村屬於比較舊嘅屋村，平台嘅食肆廚房都半開放，用餐位置都係處於室外，有帳篷作頂，唔怕日曬雨淋。粥、粉、麵、飯樣樣有，每間都經營已久。由於每間食店都裝修殘舊，所以更突顯糖室嘅特別。
糖室個裝修設計的確唔錯，可以帶俾人高檔而且別樹一格嘅味道。由2016年至今，其實都只係營業咗年半左右，前幾個月突然圍板，仲以為執咗！原來都只係內部裝修，既然重開，當然要再嚟支持支持啦。
因為附近都冇乜可以值得再光顧嘅甜品店。
糖室重開係件值得開心嘅事，但餐牌嘅甜品種類卻重新大洗牌，今日嘅糖室仲係之前嘅糖室嗎？好多之前嘅甜品都消失咗，當然亦多咗好多新甜品。
餐牌設計同之前一樣都係過膠嘅分頁，有分中式同西式類，好懷念之前嘅「白果薏米腐竹蛋」！所以特別要點返嚟回味！仲加多一個新甜品「糖室豆花伴蜜紅豆芋圓」。
21 瀏覽
0 讚好
0 留言
糖室裝修後已經唔係之前嘅質素，之前個腐竹蛋腐竹與糖水可以溶為一體，糖水有啲稠稠嘅質感，甜度永遠啱啱好，材料比例好豐足，薏米好多，煙煙韌韌，白果漲卜卜唔會苦，好好味！
對於眼前碗腐竹蛋真係好失望，腐竹沉底，面頭只望到污濁嘅糖水，薏米少得可憐，撈嚟撈去得幾粒漂下漂下，最恐怖嘅係白果！苦架！！乜嘢叫甜品乜嘢叫糖水？白果本身係苦嘅大家都知，都好正常！但唔正常嘅係點解唔挑走個苦蕊呢？基本功夫都做唔好，仲點做甜品師傅？以為可能係唔小心出現一粒嘅異樣啦，點知試多兩粒都係一樣？真係食唔到落去，好浪費，一點品質都沒有，更失望！
個人認為未裝修前嘅糖室比裝修後嘅糖室好好多，雖然份量少咗啲，但起碼有用心去制作，每次都可以保持到水準，「新」糖室真係好自為之喇。
仲有，相中甜品後面嘅吊網床/椅，遠睇真係好有特式，好特別！但近睇真係嚇死人，超污糟！感覺接近會好痕，店家絕對需要注意同需要定時清潔一下。
張貼
