夏捌月 (已結業)

好耐好耐之前，來夏捌月食過豬手及蟹膏蟹肉意粉，個意粉驚為天人，隔多年，終於來返尋味。威靈頓牛柳餐$148一上枱，真係好失望，並唔係真正嘅威靈頓牛柳，牛柳質素比茶餐廳好少少，牛柳上邊加咗一片酥皮湯嘅酥皮，中間夾咗煙肉及蘑菇碎，呢件就係「偽」威靈頓牛柳，牛柳冇問過我要幾多成熟，切開一半，幾乎全熟，牛柳冇味道，冇牛肉香，味道來源是個黑椒汁。蟹膏松葉蟹肉意粉$108有少少濕濕碎嘅物體係黃咁咁嘅意粉上邊，第一啖食落去好重芝士味及好鹹，有丁點腥味，繼續食落去只係食到好鹹嘅芝士味意粉，唔係以前食過嘅烹調手法及味道，之前食係有好多蟹膏，呢份只可以叫做係「芝士意粉」同蟹膏松葉蟹肉一丁點關係都沒有。總結：失望、食物嘅質素及出品都差、唔明點解話好食、一次都嫌多，後悔嚟左食呢餐。