金滿都越南餐廳 (已結業)

好久沒有跟弟兄姊妹來吃晚飯，招牌動作又係來金滿都幫襯...好奇怪，每一次都唔係來吃越南菜，叫嘅大部份都係雜菜煲、蟹柳玉子豆腐、咕嚕雞球等尋常小菜...當然味道就真的不值一提la...較好嘅仍然係越南式嘅咖喱雞煲，椰香頗足，香且辣，用來撈飯實在不錯；雞係雪藏貨，食落不夠入味。都係淨係撈汁送飯食算la...另有一功嘅有牛油雞翼，脆漿不厚，炸得皮脆之餘肉仍留有肉汁，夠水準...相中嘅越式西蘭花牛柳粒較少order。是次吃到嘅亦不俗，西蘭花不太淰，有少許爽口；牛柳粒加上少許黑椒吊味，食落幾惹味...從前呢度嘅嘢味精下得不少，但隔咗一排再來，好似有D改善。睇嚟可以再多D返兜試下...