添好運點心專門店

營業中

休息中

多年前添好運第一間舖是在旺角廣華街開的小店，我也常幫襯，因為舖太細，真係要排很耐才能吃到的。當時還可以見到老闆和員工在窄窄小廚房內製作點心。轉眼多年了，最近行經深水埗，想回味下多年前的味道，就去飲茶啦。 每人茶錢只兩蚊好抵，每款點心都是$10多至＄30左右，唔算太貴。酥皮焗叉燒包，我記得以前好似叫雪山叉燒包，咬落外脆內軟，皮薄餡多，無失水準。家鄉鹹水角，外皮炸得脆，糯米皮薄薄軟韌，裏面啲餡料鹹度適中。估唔到$15，仲好食過焗叉燒包。豉汁蒸排骨，份量唔多，味道可以。賽螃蟹春卷，新款點心，我覺得春卷皮太厚，餡料味道好淡有些乾，麻麻地。豬潤腸粉，腸粉皮薄，好正。豬潤細細塊，煑得唔老唔鞋，好味。