梅光軒 (登龍街) (已結業)

已好耐好耐好耐無寫過食評，但食完這碗生薑醬油拉麵，真係要寫番嘉許一下。天氣凍想食碗熱辣辣既拉麵，專程去銅鑼灣拉麵街，原來我最喜愛既拉麵店梅光軒係登龍街新開張，就算咁凍係門口排隊都一定要排，還好，一個人位都係等左10分鐘左右，一入到店，店員即刻奉上一杯熱茶，之後就遞上點餐紙，非常貼♥。店員話生薑醬油拉麵係冬天限定，因為生薑，食完好暖身，見店員強烈推介，當然要試。賣相相當吸引，湯底係梅光軒最出名既醬油味，加埋薑，味道超級醒神，帶少少辣，但又唔搶喉，超正，叉燒好軟滑，拉麵麵身有d似公仔麵咁彎彎曲曲，但絕不能比較，無梘水味，彈牙，掛湯一流，另一亮點係菜，坦白講唔知這款係什麼菜，但同醬油湯底係非常夾，整體黎講，價錢只係$85，食到咁高質既拉麵，值！