安利魚蛋粉 (已結業)

安利都可算係响香港數一數二嘅粉麵名店，自己之前都算食過吓，念念不忘，可惜對我嚟講路途比較遠，唔能夠成日嚟食。趁今日放假，就專登坐車嚟食。一坐低即刻叫個招牌切腩片頭撈粗，牛腩屬清湯腩，頗淰，絕對唔會咬到一舊"擦字膠"；片頭只得一件，其餘都係魚片，有D揾笨(可能熟客會俾多D)，不過魚味頗濃，不錯；最精彩就係個麵，用微甜嘅醬油撈過，不油不膩，每滴醬油都可以黐响麵身上，但碗底就一滴醬油都冇，師傅確實夠功力...最surprise係佢哋嘅辣椒油夠香且辣，點落D魚片及牛腩到，回味無窮..二十五蚊一碗，算偏貴，但值嘅，皆因係出面係食唔到咁嘅水準嘅撈麵。