麻辣燙 (已結業)

當然我只是普通人，說的「辣」，是普通人的大辣程度。是日同個同事有點密計要傾，佢話想食辣野，咁呢度有辣野食又隱秘，符合晒要求。一時到來，得兩檯洋人在吃，咁的地講廣東話，應該唔怕俾人偷聽。靚女主持不在，老闆娘又未返，求其事但點了兩個套餐就算，分別是辣椒炒蛋及糖醋骨。先來的酸辣湯，夠晒辣，渴到中段人已冒汗，如果可以連埋酸味一起來就滿分；辣椒炒蛋雖然偏濕，但加入不少的青椒碎及紅指天椒，夠辣勁，幾好味。當然指天椒吃得幾粒，就已有噴火的感覺，不吃得辣的，不要叫這味；糖醋骨就剛好用來中和辣勁，甜酸度平衡，亦炸得頗為脆口，豬排肉質不錯，跟辣椒蛋是不錯的配搭。甜品是黃糖涼粉，吃完剛好無晒辣味。埋單172蚊，雖然不平，但幾好坐，菜色不錯，喜歡吃辣的話仍可以一試。題外話：離開時才見到老闆娘，她說有遲一點有個得獎菜叫什麼麻辣口水雞的，是非常辣的，叫我來試，那就隨緣吧。