北海道牧場餐廳 (已結業)

早前睇雜誌介紹已經想試，趁今日放假無咁多人便一試，雖然見到open rice 劣評如潮，但唔試過又點知完來都幾差!!都係叫咗個最基本既北海道套餐:叉燒通粉 -係成個餐最好食既! 但呢個唔係主打喎! 個湯底幾好，有d 味，叉燒都好諗，較甜!炒蛋 - 得個咸字覺得加左雞粉，無蛋味，無牛奶味，亦唔香，重炒得唔夠熟，碟底有好多蛋汁!!火腿 - 係唔熱， 其實係咪至少都係鑊度辣一辣佢!多士 - 又係唔夠熱，又烘得唔夠脆!奶茶 - 好一般茶餐廳奶茶!個餐完全無北海道牛奶既味道，又何以北海道來命名!!食左一半先發現原來個老闆同2 個朋友座係後面張檯, 老闆好似好滿意咁同朋友講試好多方法同問左好多人先炒到d 蛋，睇黎佢要再努力d問人啦，d 蛋真係唔得!都係澳洲牛奶公司最正，咁多人排隊係有原因既!! 唔係就咁改個靚名就得!!