影片
更多
2017-10-05
448 瀏覽
睇完openrice 見到啲相中嘅食物都幾靚，仲有鵝肝、泰式生蝦任食，所以唸住去試吓⋯⋯一入到個場已經覺得啲裝修好似去咗一間好耐歷史嘅卡拉ok場咁，跟住都仲仍抱住希望有驚喜嘅心態去order嘢食⋯⋯首輪當然係點刺身，無論係三文魚、象拔蚌定係甜蝦⋯⋯所有刺身都係無味，食落去啲肉有啲梅，好唔新鮮，載刺身嗰啲冰仲要水汪汪⋯⋯跟住就點啲熟食，冬蔭公湯一啲都唔熱，炒蜆都係唔熱，啲汁又唔好味，溫泉蛋就更加不知所謂，就咁打隻生雞蛋加豉油就當係溫泉蛋。其他嗰啲乜乜肥牛，羊架，和牛粒全部通通唔掂，一係就無味，一係就太咸，嗰樣仲要係好唔新鮮！再恐怖啲仲有清酒（枉我加咗$88任飲），我從未見過用果汁機嚟載清酒，仲要係唔凍，酸梅汁、橙汁都係唔凍⋯⋯我同朋友好夾硬咁去食點咗嘅食物，因為都唔想咁浪費，但盡咗力都係食唔得晒，因為淨係見到食物嘅樣都已經唔開胃，只想盡快離開！仲要每人收$350，真係超級唔抵！！自問對食嘅要求唔太高，但真心覺得難食！我同朋友離開此食店後都感覺有點頭暈同想嘔，唔知係咪心理作用，總之唔會再到此，希望本人體質唔差唔會肚痾啦！
一入到個場已經覺得啲裝修好似去咗一間好耐歷史嘅卡拉ok場咁，跟住都仲仍抱住希望有驚喜嘅心態去order嘢食⋯⋯
首輪當然係點刺身，無論係三文魚、象拔蚌定係甜蝦⋯⋯所有刺身都係無味，食落去啲肉有啲梅，好唔新鮮，載刺身嗰啲冰仲要水汪汪⋯⋯
跟住就點啲熟食，冬蔭公湯一啲都唔熱，炒蜆都係唔熱，啲汁又唔好味，溫泉蛋就更加不知所謂，就咁打隻生雞蛋加豉油就當係溫泉蛋。其他嗰啲乜乜肥牛，羊架，和牛粒全部通通唔掂，一係就無味，一係就太咸，嗰樣仲要係好唔新鮮！
再恐怖啲仲有清酒（枉我加咗$88任飲），我從未見過用果汁機嚟載清酒，仲要係唔凍，酸梅汁、橙汁都係唔凍⋯⋯
我同朋友好夾硬咁去食點咗嘅食物，因為都唔想咁浪費，但盡咗力都係食唔得晒，因為淨係見到食物嘅樣都已經唔開胃，只想盡快離開！仲要每人收$350，真係超級唔抵！！自問對食嘅要求唔太高，但真心覺得難食！
我同朋友離開此食店後都感覺有點頭暈同想嘔，唔知係咪心理作用，總之唔會再到此，希望本人體質唔差唔會肚痾啦！
張貼
