炑八韓烤親子餐廳

營業中

休息中

仔仔生日諗住帶佢去啲親子餐廳慶祝，見到呢度個波波池重開，所以同朋友一齊嚟食，playarea 乾淨，設施種類多，有廚房仔、化妝枱、大型積木、波波池、滑梯、韓服試穿等。食物種類都好多，質料上乘，仲有兒童餐提供。頂級霜降牛小排一向都好喜歡佢嘅牛小排，見到啲牛肉嘅雪花分布好靚，好容易燒，落少少鹽，更加帶出牛嘅甜味，入口即溶。韓國梅花肉揀咗薄切同韓式秘製醬油，好入味，一大塊上枱，燒嘅途中再剪成一粒粒，再慢慢燒香兩邊，外脆內軟，肉汁豐富。大八爪魚🐙真係好大隻八爪魚，燒嘅時候，好似識郁咁樣，好得意，個汁有少少辣。雞腿肉用梨汁醃好嘅雞腿肉，好清甜，雞肉好滑好甜，小朋友好鍾意食。因為燒肉需時，所以叫咗兩個兒童餐比小朋友。蜜蜂嗡嗡小跑車上餐外觀，非常可愛，小朋友很喜歡，裏面仲有薯條、炸雞、蜜蜂造型壽司飯，全部都係小朋友最愛。可愛貓咪飯有白飯、蛋、火腿等材料造成嘅貓咪樣，又可愛又好食，仲好健康，好適合細女食。水果班戟甜品份量大，有好多班戟，細細粒，啱晒小朋友，水果好甜。仲叫咗兩杯冷壓果汁俾小朋友，真材實料。我自己就要咗杯士多啤梨特飲，充滿沙冰，唔太甜，啱晒配合燒肉一齊食。