HeSheEat (白布街) (已結業)

之前留意到呢間舖頭嘅名已經覺得好特別，彷彿係一個男孩同一個女孩一齊食飯嘅感覺但係佢又會玩食字！終於知道今日喺附近放工朋友話可以一齊去食，於是就天助我也🤣🤣🤣平時加錢叫湯通常都係忌廉湯，今日竟然係龍蝦湯，我興奮到飛起，個龍蝦湯係物超所值，好香飲得出有用蝦殼煮湯👍🏾👍🏾👍🏾黑松露薯條炸得香口又唔會過火，睇到個顏色就知道唔係用嗰啲千年油炸👍🏾👍🏾個黑松露醬好好味，食到最後唔夠醬點🤣🤣我諗住叫咗個湯所以就加咗個蟹肉牛油果凱撒沙律，因為我同朋友都鍾意食下菜，個沙律嚟到估唔到有好多牛油果同埋蟹肉，啲菜都好新鮮，最好提佢啲醬汁唔會好濃味，可以食返個沙律原本嘅味道，哩個價錢，我覺得抵食！叫咗個BB豬肋骨，個豬肋骨反而太乾身，我自己鍾意有肉汁啲，但係個薯蓉就整得好好食。