Vici Stage

營業中

休息中

今晚同閨蜜去酒吧餐廳傾計食飯，walk in要等15分鐘到，都幾full幾熱鬧，有2層高，但感覺唔局促。可以放慢節奏來享受，飲品同食物都會慢慢上，30mins到上一個菜，飲住酒，邊傾邊食。Dancing Grape 顏色好美，用巨峰提子、檸汁、菠蘿汁、Gin酒……調成的雞尾酒，有巨峰提子果香，味道酸酸甜甜，酒味都幾重，但易入口。Whisper賣相好靚，用乾花裝飾。係接骨木花同Gin酒調製，有清淡花香，微甜好清新，酒味好輕，好岩女仔飲。大蝦泰式田園沙律我諗應該無哂帶子，所以轉左4隻大蝦，份量幾多。大蝦肉質爽口彈牙，配柚子肉同泰式沙律汁，酸酸甜甜好開胃，有泰式的酸、甜、辣。用少見的羽衣甘藍，菜味重同口感厚實d，可以掛到多d醬汁，食落唔會好甘苦，而青瓜同甘筍都係絲狀，口感更豐富。油醋蒜香牛柳粒上菜已傳來蒜香味，加埋洋蔥同黑椒好惹味，加左醋令牛肉無咁油膩，牛柳粒嫩腍多肉汁，咬感好好，有幾粒偏硬，但整體味道幾好。新鮮蟹肉蟹膏意大利飯蟹肉唔算多，但有鮮味且不腥，意大利飯creamy好味帶點咬口，有蟹膏同芝士的香濃味道，好滋味。