滿記甜品 (已搬遷) 新店位置

自己算係半個西貢人, 西貢最出名既甜品屋, 雖然食過多次, 但咁多篇食評中完全了有我的筆跡, 實在太過份. 而家, 就用我第1500個食評, 來彌補以往的忽略.在滿記未開到全港九新界中國大陸外國唐人街前, 從一家小小甜品屋開始, 我們便有時特登開夜車從村子出去, 食糖水. 當時的味道, 食左咩甜品, 年代已久已經不記得了, 不過, 我對用榴槤做的甜品既認識, 就是由滿記開始. 而我食既第一個榴槤甜品, 就是榴槤Pancake.其他不用的榴槤呀, 芒果呀已經食得多. 今次黎, 都係以食榴槤為主. 而且咁耐冇入, 都想睇下佢地有乜野新意思. 西貢店, 好識照顧頂唔順榴槤既人, 分開了榴槤專區同非榴槤區. 故明思意, 非榴槤區就係沒有榴槤做既甜品供應. 而我是日為了榴槤, 當然直接行入榴槤專區啦.未食過既榴槤甜品有什麼呢. 我呢個就叫做榴槤白雪涼粉. 白雪, 是椰汁吧, 涼粉係大熱天時食, 非常之透心涼. 而且白雪汁, 是冰冰的. 若不加榴槤也是一個非常好的甜品. 而榴槤, 是熟透的新鮮榴槤果肉, 氣味香溢. 剛好是榴槤當造的季節, 榴槤味實在是瓢香. 加埋涼粉椰汁一起食, 又夠冰凍. 最重