維記咖啡粉麵

營業中

休息中

大食男友成日想帶我黎食佢最愛豬潤麵, 但佢又早收又星期日唔開, 所以一直食唔到, 今日終於可以食到啦😋； 我地入到去係下午茶時間, 平日下晝都九成滿👍🏻；豬潤麵同豬潤米係必食, 大食男友愛個湯底, 飲到一滴不剩, 豬潤切得夠薄唔硬, 而且咬落有粉粉既感覺, 男友愛配麵因為會較為爽身, 比較過米同麵, 我下次都會叫麵😁；叫得咖啡室, 個杯咖啡同奶茶真係要飲, 茶夠香而且夠滑身; 我係為左咖央多而黎, 佢既做法較接近傳統法式多士做法, 係煎個包面至少少燶, 咖央既淡香同埋糖漿, 成件事好柔和好夾, 沒有一般多士的油淋淋或鞋口感覺😊