十二味 (LADDER Dundas) (已結業)

天氣又熱又濕，唔知點解就係好想食辣野刺激刺激🤣今次黎到呢間有好多分店亦聽過好多次朋友推介嘅十二味，果然係會令人上癮嘅四川菜😋😋我地今次叫左小龍蝦，之前內地食過唔錯，但香港試過其他都麻麻地，就試下呢間如何！點知非常有驚喜🤩個味調得好好，唔會只係得辣味，而係真係「香辣」，好惹味😋😋另外再叫左個口水雞，份量好足，而且少辣比想像中辣，所以要叫番碗白飯，配埋就岩岩好喇🤣仲有個麻辣田雞同炒四季豆，田雞肉結實鮮味，四季豆炒得好有鑊氣，兩個都係白飯殺手😋😋😋只係無諗過份量咁足，好大碟，最後要打包走，所以都真係好抵食🤣🤣🤣最後食埋個冰粉作結，又爽甜又解辣😁😁😁總結黎講呢度環境唔錯，口味又正宗，份量又足又抵食，川菜必食之選😋😋