華香雞 (已結業)

今日黎到灣仔一間小店，平日夜晚都好多人，甚至要排少少隊tim! 原來啲野抵食又大份，分量好足，仲有好多類型嘅煲仔餸選擇，熱辣辣非常岩呢啲天氣食.一人豪華套餐有華香拼茶香雞+鮮雞腎+雞湯白菜仲有白飯同老火湯，都只係88蚊，無論女仔定男仔都一定夠食！華香雞係佢地嘅招牌，比起出面嘅雞味更濃郁，有好香嘅熏味，骨亦都唔多係啖啖肉！至於茶香雞應該係用左醬油同烏龍茶醃製，茶香味都濃第一次試呢種雞非常有驚喜，對於我甘中意茶嘅人黎講一定會無限再去！❤️ 雞腎一啲都唔腥好爽口，老火湯飲完唔會口渴~菜都好大份雞湯唔敷衍（飲得出唔係雞精）🫣.再黎係沙茶牛腩煲，好大一煲，牛肉又厚又軟腍冇騷味，沙茶味都好香唔會淡而無味，落足料😳朋友平時食唔到太多肉都食曬所有野，非常高質！