Flame at Towngas Avenue (已結業)

有親戚係做煤氣公司，所以佢推薦我地試下呢間餐廳。佢餐廳入面係可以睇到海景啲，室外有位可以飲杯嘢吹下海風，以為呢啲環境好嘅餐廳，又係煤氣公司，食物應該只有一般，但食落去發現佢其實食物質素好ok，而且服務員service都唔錯。前菜嗌咗沙律同埋龍蝦湯，佢沙律有三款嘅，呢一款係有啲水果(蘋果，提子咁樣嘅), 佢全部係事前已經用醬撈過，好均勻嘅，而且d 調味醬唔係普通沙律醬，幾好味喎！ 仲有嗌咗parma ham配哈密瓜，實際個分量係比較少，就有少少貴。 跟住呢個三文魚真係超好食！超級大推！佢應該係燻過之後又再焗，重點係佢事前係有醃過味，甜甜地似蜜糖味，嗰汁加埋超好食 跟住仲嗌咗個海鮮拼盤同埋一個肉嘅拼盤，兩個都超級大份，最好係一大班朋友share! 兩樣相比我覺得肉拼盤係比較好嘅，佢有腸仔，有羊扒，有牛扒，底下仲有啲蘆筍，食完超級飽呀，大滿足 唔想食咁多肉嘅可以叫意粉，我覺得相比其他食物呢個就好普通。 跟住我哋仲叫咗甜品。心太軟我覺得係最好食嘅個燉蛋我就覺得好似比較raw. 火焰雪山係超級大個嘅，一定有一大班朋友食先至好嗌。佢會即場燒畀你睇，我覺得以呢個價錢嚟講咁大個都抵食嘅。佢最中間係雪糕