What The Food Cafe (已結業)

What The Food Cafe突然好多人話好食，所以住係粉嶺既我當然會去試下！佢位於工業區內，外表睇落平平無奇，但當你步出電梯之後，你就會發現佢既裝飾都相當有特色！第一次黎既時候，已經被佢既「蒲燒鰻魚蛋包飯」吸引左，所以今次帶埋朋友黎encore！點左餐之後，店員會送上曖曖的餐包同羅宋湯，羅宋湯內的料相當豐富，有好多菜及肉碎，係屬於偏酸的羅宋湯，未必人人喜歡，小妹我個人就覺得非常口胃！「蒲燒鰻魚蛋包飯 ＝ ＄76」，唔需要＄80就可以食到非常高質的鰻魚蛋包飯，真係好吸引呀！！！呢個鰻魚蛋包飯內的鰻魚係用心煮過，相當入味之餘亦且非常大條（手掌咁大），絕不兒嬉！由圖片所見，滑蛋滿滿咁蓋住左飯，加上紫菜做裝飾，外表都已經非常吸引！蛋汁＋滿滿鰻魚汁的肥鰻魚肉＋一口飯，可以話係我近年食過最好食的鰻魚飯！可能因為太好食既關係，小妹希望飯量可以增多非常推薦比大家！