吳記汕頭腸粉麵店

營業中

休息中

住在土瓜灣四十年，第一次品嚐到由汕頭新鮮到港嘅吊龍，配上米粉已經都十分滿足。口感QQ軟軟綿綿，配上牛肉清湯非常滋味。食得出係冇點落味精，食完唔會後悔花118蚊食番自己家鄉嘅地道菜。難得有一間咁好味同高質嘅汕頭粉面店，我一定會再嚟呢間鋪頭試下其他嘢食。佢地好勤力，由朝早十點半開到晚黑十點半都未打烊，呢一區嚟講好食嘅餐廳唔多，講真一到十點幾想搵間有質素同好味嘅食店真係難過登天，我唔介意多花幾十蚊食番啲有特式同好味對得起價錢嘅中價食物。佢哋服務真係好好，有禮貌笑容仲同我講家鄉話，雖然識聽唔識講，但係好有親切感。希望佢哋可以好好經營落去。