Seoulmate (MONTEREY Place)

營業中

休息中

今日同男朋友去將軍澳行街去下Donki朝聖，順便食埋晚飯。嗰度的確係將軍澳臨海最清幽嘅地方，同埋開咗好多可以Chill下嘅Cafe同埋小餐廳，係一個relax and chill好選擇。我地㨂左間裝修幾靚嘅韓國菜Seoulmate入去試下。帶子豆腐沙律🥗: 有我最鍾意嘅柚子醬同麻醬，味道好match，配上沙律菜上嘅輕煎帶子，好大粒咬落去非常彈牙，仲加埋啲日本海草，食落去非常新鮮，酸酸甜甜好開胃。燒酒煮帶子配韓式粉絲🍲: 蜆肉好新鮮而且份量都多，然後粉絲都吸晒清酒湯嘅精華，忍唔住都飲咗少少湯。烏卒卒火山飯: 賣相很不錯👍🏿尤其喜歡佢對怒火眼睛。我哋先整開個火山口上面嘅蛋黃，蛋漿慢慢流落嚟，就好似火山爆發緊咁樣，望到都覺得開心🥳。原來灰色火山皮係蛋白，入邊原來係忌廉蟹肉蘑菇飯，配搭新鮮，味道非常有層次。兩個人點三款菜式都夠飽，希望下次再試下個甜品同其他招牌菜。