麻辣小聚 (93WYS) (裝修中)

我已經好耐冇食過辣嘢啦，心思思好想食，好彩男朋友都食得辣，終於叫到佢陪我去，咁今次就揀咗間係牛頭角嘅麻辣小聚，點解會想揀去呢間，係因為呢間有得食麻辣小龍蝦，諗起都流晒口水呀！🥇咁我同男朋友睇完餐牌後，叫咗3個菜式，分別係$88干煸四季豆，$198麻辣小龍蝦同埋$228難忘酸菜魚。首先上枱嘅係❤️四季豆，炒得好入味，夠香同口咁甜脆！我期待已久要食嘅❤️小龍蝦都好出色，蝦肉好滑嫩，又夠麻辣味，完全食到停唔到口！最後就係佢個❤️酸菜魚，勁多配菜，見到有豆腐皮，粉條同萵苣，好新鮮！想講佢講酸菜魚湯底味道剛剛好，魚肉多之餘肉質滑溜，推介呢間啊！