華姐清湯腩 (已結業)

知道西環正街開左間，今日特登同男朋友入黎食今日食左淨牛腩、淨牛肚同蘿蔔首先講下牛腩，我地無特別要咩腩，黎到係有少少肥嘅，見到都食指大動，食第一啖舊腩索左d湯加上有牛油嘅甘香，亦都好鬆化!正!之後試下牛肚，好腍好入味，D金錢一格格，黃黃地，賣相都好好睇，加埋葱花，滿滿一碗，好吸引!D湯都好清好甜!最後食埋蘿蔔，12蚊都好大碗，抵食!D蘿蔔燜到好入味，件件都有腩汁嘅濃香!總刮黎講，呢度嘅水準同天后一樣都好好!