緣聚西日餐廳 (西裕街) (已結業)

蒜蓉燒蠔，黃金燒蠔燒蠔基本上都係放題一定會order 嘅食物，呢兩款我都好鍾意食，d蠔雖然唔算好大隻，但係好多汁又新鮮，前前後後一共食左10隻。壽司叫左有和牛，左口魚邊，火焰京蔥三文魚，仲有帶子。其中特別鍾意嘅係左口魚，燒過之後入口好香又夠油。仲有帶子壽司都覺得值得推介，帶子切得夠厚身，入口會覺得好滿足。蒜香牛柳粒好啱鍾意食葱蒜嘅我，好惹味，而且牛柳粒都好嫩。芝麻雞翼都係食放題一定要叫嘅食物之一。好香口，皮又夠薄脆，雞肉嫩之餘亦都多汁，呢個係一定要食。